Marketing agency ရှာတဲ့အခါ “တစ်လ Post ဘယ်နှပုဒ်ရမလဲ” ဆိုတာကို အရင်မေးလေ့ရှိပါတယ်။ အလုပ်ပမာဏနဲ့စျေးနှုန်းကို နှိုင်းယှဉ်ဖို့လွယ်ပေမယ့် ကိုယ့်လုပ်ငန်းရဲ့အဓိကပြဿနာ မရှင်းသေးရင် package က အဖြေမှန်ဖြစ်ချင်မှဖြစ်ပါမယ်။
Package က ဘယ်အချိန်မှာသင့်တော်သလဲ?
လိုချင်တဲ့ရလဒ်၊ target audience, offer နဲ့ အသုံးပြုမယ့် channel ရှင်းပြီးသားဖြစ်ရင် ထပ်တလဲလဲလုပ်ရမယ့် execution ကို package အဖြစ်သတ်မှတ်နိုင်ပါတယ်။ ဥပမာ content direction ရှင်းပြီး production capacity လိုနေတဲ့အခြေအနေမျိုးပါ။
Diagnosis က ဘယ်အချိန်မှာလိုသလဲ?
Marketing လုပ်နေပြီး ဘာကအလုပ်မဖြစ်လဲ မသိတာ၊ inquiry ဝင်ပေမယ့် sales မဖြစ်တာ၊ content နဲ့ ads သီးခြားစီဖြစ်နေတာ၊ report ရှိပေမယ့် ဘာဆက်လုပ်ရမလဲ မရှင်းတာဆိုရင် အလုပ်အရေအတွက်မရွေးခင် ပြဿနာကိုအရင်ခွဲဖို့လိုပါတယ်။
မရွေးခင် မေးသင့်တဲ့မေးခွန်းများ
- လာမယ့်ကာလမှာ လုပ်ငန်းအတွက်အရေးကြီးဆုံးရလဒ်က ဘာလဲ?
- အဲဒီရလဒ်ကိုတားနေတဲ့ အဓိကအခက်အခဲက ဘာလဲ?
- Audience နဲ့ offer ကို စမ်းသပ်ပြီးပြီလား?
- Content, media နဲ့ inquiry follow-up ကို ဘယ်သူတာဝန်ယူမလဲ?
- ရလဒ်ကိုတိုင်းဖို့ လက်ရှိမှာ ဘာ data ရှိသလဲ?
Post အရေအတွက်ထက် အလုပ်ရဲ့ရည်ရွယ်ချက်ကိုကြည့်ပါ
Post ဆယ်ပုဒ်ထဲက တစ်ပုဒ်ချင်းစီ ဘာအလုပ်လုပ်ပေးရမလဲ မသိရင် အရေအတွက်များတာက အားသာချက်မဟုတ်ပါဘူး။ Awareness, education, trust, inquiry သို့မဟုတ် conversion ဘယ်အဆင့်ကို ကူညီပေးမလဲ သိထားမှ content နဲ့ media ကို ချိတ်နိုင်ပါတယ်။
OJO ရဲ့ Marketing Diagnosis က package ရောင်းဖို့မဟုတ်ဘဲ လက်ရှိအခြေအနေကိုကြည့်ပြီး ဘာကိုအရင်လုပ်သင့်လဲ ရှင်းသွားစေဖို့ ဖြစ်ပါတယ်။ ပြဿနာရှင်းပြီးမှ လိုအပ်တဲ့အလုပ်အတိုင်းအတာကို သတ်မှတ်တာက budget နဲ့အချိန်ကို ပိုထိရောက်စေပါတယ်။